ՈՍԿԵ ԱՇՈՒՆ

                                        Աշուն է իջել հայոց լեռներին,

                                        Շքեղ մասրենին այնպե՜ս է բուրում,

                                        Որ մասիսներից ճերմակ ձյուների

                                        Բուրմունքն է բերում...

Աշունն այստեղ բացահայտվեց մեկ այլ ձևով, թե ինչ գեղեցիկ ու հիասքանչ է այն՝ իր բերք ու բարիքով, իր գեղեցկությամբ: Այստեղ ես ականատես եղա մեր դպրոցի աշակերտների հիանալի միջոցառմանը և հույս ունեմ, որ այսպիսի միջոցառումներ շատ կլինեն:  

Եվ ահա հանդեսը սկսված է: Մասնակիցները սրտի տրոփյունով անհամբեր սպասում էին այս խանդավառ երեխաների ելույթներին: Ամեն ինչ այնքան գեղեցիկ ու հիասքանչ էր, որ մի պահ ընկա երազանքների գիրկը:

Մասնակիցները երեխաների ծնողներն էին, նրանց հարազատները և դպրոցի ուսուցչական կազմը, ու ես ականատես եղա այն երջանկությանը, որը աշունն է բերում մեզ՝ իր բերք ու բարիքով և գեղեցկությամբ: Եվ այս ամենի մեջ ամենամեծ մեղավորները մեր երեխաներն էին իրենց հիանալի ներկայացումներով:

Ահա թե ինչ է անհրաժեշտ մեր երեխաներին ու ընդհանրապես մեր դպրոցին: Ականտես լինելով հանդեսին, ելույթ ունեցող երեխաների և ծնողների կատարած աշխատանքին, ևս մեկ անգամ համոզվում եմ, որ ծնող- դպրոց կապը շատ մեծ դեր ունի աշակերտների գիտելիքների ամրապնդման ու խորացման գործում: 
Այս միջոցառմանը շունչ տվեց  դասարանի դասղեկ Վ. Գևորգյանը: Նա ծնողների հետ միասին ջանք չի խնայել, որպեսզի հանդեսը լինի լավ կազմակերպված և համով-հոտով:

Աշնան բարիքներից պատրաստված այս գեղեցիկ զամբյուղներն ու ձևավորումները մեր երեխաների և ծնողների ձեռքի աշխատանքներն են:

Ամեն ինչ գեղեցիկ էր ու հիասքանչ՝ աշնանային գույներով համեմված:






                                               Հեղինակ՝ Հ. Հարությունյան